Ýmislegt hefur gengið á.

Já óhætt er að segja það að það gengur á ýmsu í borgarstjórn síðustu dagana og ýmislegt komið í ljós, og þá er það alltaf sama svarið hjá sjálfstæðismönnum. Við vissum ekki af þessu og þetta kemur á óvart eða hafði ekki hugmynd um það og svo framvegis. Svo er það þessi klassíska spurning, hver talaði við hvern og hver var fyrstur til að brjóta þann trúnað sem allir segja að ríkt hafi. Hver er hlutur Björns Inga í málinu og hvers vegna kemur hann svona fram. Er eitthvað sem segir að hann muni ekki gera slíkt hið sama við nýjann meirihluta þegar hann verður fyrir mótlæti þar. Þetta er eitthvað sem vert er að hugsa og kannski ætti meirihlutinn í dag að skoða þessi mál. Annað er það sem brennur á mér, hvort að Vinnumálastofnun sé farinn að gera eitthvað í málum erlendra starfsmanna á íslenskum vinnumarkaði. Það er skrýtið hverning mál eru í öllum fjölmiðlum í ákveðinn tíma og hverfa svo og enginn sem fylgir því eftir hvort að verið sé að vinna í málunum, eða taka á þeim málum sem upp koma.

Takk 

Meirihlutinn fallinn, og hvað gerist svo ?

Já það er rétt að nú er kominn nýr meirihluti í borgarstjórn og gaman verður að sjá hvernig tekið verður á málum málanna, það er mönnun leikskóla og annað sem snertir all flesta borgarbúa sem eru með börn á framfæri. Nú svo verður fróðlegt að fylgjast með framvindu mála í orkuveitumálinu.

Annars er bara spurning hvernig hlutirnir þróast í þessum málum, við höfum verið með þennan meirihluta áður að mestu leiti og það hefur verið ágætt.

Annars er bara tilhlökkun í mér varðandi kjarsamningana og vona ég svo sannalega að það verði tekið á launamálum verkfólks og að það verði metið að verðleikum, því að án þess er ekki mikið sem kemur frá fyrirtækjunum. Það byggir afkomu sína á því sem kemur frá verkafólkinu, því að það er mikilvægur hluti af keðjunni sem knýr fyrirtæki. Það á ekki bara að borga fólkinu sem er með menntunina góð laun(án þess að ég sé að setja út á menntun). Fyrir 17 árum var ég í Hollandi og var að tala við systir vinar míns og vinkonu hennar sem er hollensk, og hún spurði mig hvað ég gerði og ég svaraði "bara hafnarverkamaður" og hún spurði mig strax af hverju segir þú bara ? Ég svaraði það veit ég ekki og þá sagði hún þetta við mig. Veistu ekki hvað það er mikilvægt að hafa verkafólk, það er fólkið sem klárar það sem aðrir byrja á. Þ.e.a.s sölumenn selja frakt og þú tekur við henni, setur í gám eða um borð í skip, sama á við í öðrum störfum.

Ég var ekki alveg að skilja þetta þá en í dag sé ég hvað almenningur í öðrum löndum(byggt á þessum orðum) hugsar öðruvísi en hér. Það er skems að minnast þess þegar Reykjavíkurborg og Efling stéttarfélag gerðu samning í desember 2005 og þá varð allt vitlaust í röðum félaga Leikskólakennara og fl. vegna þess að þau gátu ekki unað við það að "ómenntað fólk" fengi góð laun. Það er alveg fáránlegt. Mín skoðun er sú að það á að vera í lagi þegar einhver gerir góða hluti og ekki á að setja út á það.

Hvað er orðið um málið fyrir austan ?

Jæja er búið að þagga niður mál Lettnesku starfsmannanna hjá GT Verktökum/NCL eða hvað ? Það er ótrúlegt að láta starfsmenn eða forsvarsmann starfsmannafélags starfsmanna koma fram í fjölmiðlum og lýsa yfir ánægju sinni með fyrirtækið( eða þá sem náðist í ) og framkomu og samskipti. Fyrirtæki sem er með hlutina i lagi og lendir í þessari stöðu, leggur að sjálfsögðu fram þau gögn sem þarf til að sanna sakleysi sitt, en taka ekki til við að senda menn úr landi og láta aðra starfsmenn tala sínu máli. Það er að mínu mati mikill veikleiki og ber vott um að fyrirtækið sé að segja við þjóðina, við erum fórnarlömbin í málinu, við borgum þeim fleiri hundruð þúsunda á mánuði en þeir eru að heimta meira. Þá segi ég sannaðu mál þitt en ekki leggjast svo lágt að nota aðra til að klóra í bakkan fyrir þig. Gaman væri að láta kanna hver er staða fyrirtækisins innan verkalýðshreyfingarinnar almennt ? Hafa félög þurft að hafa afskipti af þessu fyrirtæki ? Einnig vildi ég sjá ef að starfsmenn eða fyrrverandi starfsmenn stígi fram og segi sína hlið á málinu.

Takk.   

Maður gæti haldið að það væri öfundsýki í gangi ?

Já það er nú skrýtið ef að ekki má hafa sínar eigin skoðanir og sjálfstæðan vilja þegar kemur að því að þjónusta félagsmenn sína. Það virðist vera svo að þeir aðilar sem hafa verið að blogga um þetta séu á móti því að félög hafi sjálfstæða skoðun og hafi sitt umboð til að semja, en afhendi það ekki til annara. Auðvitað eru þessi félög og landsambönds í ákveðnum málum að vinna saman en Flóinn er sér með þau mál sem snerta þá atvinnurekendur sem þeir semja við. Tel að það sé í lagi.

Takk

Flóafélög vilja auka kaupmátt og hækka lægstu laun

Er þetta málið?????

Jæja

GT verktakar og NCL eru endanlega búin að skíta í brækurnar að mér finnst með þessari yfirlýsingu sinni vegna lögreglurannsókanr. Það er með eindæmum hvað þessi fyrirtæki eru mikil fórnarlömb í þessu máli að eigin mati og sýnir kannski hvernig þeir sem eiga þetta fyrirtæki hugsa. Hefði nú haldi að ef málin væru á hreinu og ekkert skítugt mjöl í pokahorninu þá væri mjög einfalt fyrir þá að sýna fram á að greiðslur til starfsmannanna væru í samræmi við launaseðlana og ráðningarsamninga. Þegar fyrirtæki eru að greiða út í peningum þá er verið að svindla á kerfinu og það virðist vera raunin í þessu máli. Allavega hafa hvorki GT verktakar eða NCL lagt neitt fram sem sýnir að ásakanir AFLs séu rangar.

Sem sagt "skítalykt af þessu"

Takk

NCL segist fagna lögreglurannsókn

Svona er það þegar menn telja sig ósnertanlega.

Já fyrirtæki eins og GT verktakar læra ekki af þessu nema að það verði tekið hressilega á þeim það er alveg ljóst. Skil ekki hvernig þetta hefur geta viðgengist og hvar eru fyrirtækin sem bera ábyrgð á vekunum sem GT menn vinna við? Telja þeir sig vera stikkfrí ? eða hvað.

Takk

„Mönnum hreinlega ofbýður ósannindin"

Gerum þetta rétt.

Það er að sjálfsögðu rétt að verkalýðshreyfingin á að taka á þessum málum varðandi það sem er brot á kjarasamningum, en það er stjórnvalda að taka á lagabrotum og ef að um er að ræða kúganir og hótanir þá mun það vera í verkahring lögreglu. Tel að það sé ekki spurning um að Afl mun taka á þessu máli af fullri hörku og innheimta það sem vantar á launin og svo er það vinnumálastofnunar að klára hinn hlutann Það á að taka leyfið af þessu fyrirtæki og loka því þrælahald er barn síns tíma og á að taka algjörlega.

GT Verktakar eru að brjóta lög og samkomulag sem gert var í september.

Já og það er örugglega ekki í fyrsta skipti sem að þeir gera það. Gaman væri að vita hvað margir erlendir stafsmenn hafa verið hjá fyrirtækinu og hvernig ráðningarsamningar eru lagðir fram hjá vinnumálastofnum. Ég er viss um að þeir eru búnir að leika þann leik lengi. Ég get ekki skilið hvernig svona fyrirtæki fær vinnu t.d. hjá stórum og þekktum fyrirtækjum hér á landi, jafnvel kannski opinberum aðilum. Hver er sekur þá ? Það er alveg ljóst eins og frma kemur í fréttinni að fyrirtækin sem þeir eru að vinna fyrir bera ábyrgð á því að ekki sé verið að hlunfara starfsmenn. Þrátt fyrir að fyrirtækin séu að kaupa vinnu þá eru þau ábyrg. Það er ég viss um að GT Verktakar eru viljandi að gera þetta, þetta eru ekki mistök. Því segi ég að það eigi að setja fordæmi og taka þá í gegn. Einhverstaðar þarf að byrja á átakinu um þessi mál. Og ef að fyrirtæki eiga að skilja alvarleika málsins þá þarf að taka á þessu af fullum krafti. Ég skora á Vinnumálastofnun og verklýðshreyfinguna að fylgja þessu eftir af fullum krafti.

Takk

Fleiri starfsmenn GT verktaka leita eftir aðstoð hjá AFLi

Frétt af vef Samtaka atvinnulífsins.

"Launakostnaður 30% hærri á Íslandi en á evrusvæðinu

 

Launakostnaður á Íslandi er hærri en í öllum evruríkjunum þegar horft er til almenna vinnumarkaðarins. Munurinn mælist 30% á 2. ársfjórðungi 2007 en árið 2004 var munurinn 13%. Launakostnaður á Íslandi hefur hækkað um 26,1% í evrum reiknað á þessu tímabili samanborið við 9,9% hækkun í evruríkjunum. Launakostnaður hefur því hækkað tæplega 15% meira á Íslandi en í evruríkjunum. Mestu munar í byggingarstarfsemi þar sem launakostnaður er 66% hærri á Íslandi en þar á eftir koma samgöngur með 29% hærri kostnað. Þetta kemur fram í nýrri greinargerð SA um launakostnað.

 

 

 

Íslenska leiðin

Frá árinu 2004 hafa laun hækkað mikið á Íslandi og mun meira en í löndum innan Evrópusambandsins, hvort sem hækkanir eru bornar saman við Evrópusambandið í heild eða evruríkin. Fyrr á þessu ári birti Hagstofa Íslands alþjóðlegan samanburð á heildarlaunakostnaði árið 2004 (e. Labour Cost Survey) á almennum markaði. Samanburður þessi er gerður á fjögurra ára fresti af Hagstofu Evrópusambandsins (Eurostat). Helstu niðurstöður hvað Ísland varðar voru þær að í þeim atvinnugreinum sem könnunin náði til var launakostnaður á Íslandi í öllum tilvikum hærri en að meðaltali í ESB ríkjunum 27 og einnig hærri en að meðaltali í ríkjunum sem nota evru í þremur atvinnugreinum af fjórum. Hvað Ísland varðar nær könnunin til fjögurra atvinnugreina, þ.e. iðnaðar, byggingarstarfsemi, verslunar og samgangna.

 

 

Framreikningur launakostnaðar til miðs árs 2007

Frá árinu 2004 til 2. ársfjórðungs 2007 hefur vísitala launakostnaðar hækkað um 24,3% á Íslandi. Á 2. ársfjórðungi 2007 var gengi krónunnar 1,4% hærra gagnvart evru en að meðaltali árið 2004 þannig að í evrum reiknað hækkaði heildarlaunakostnaður á Íslandi um 26,1% að jafnaði á þessu tímabili. Til samanburðar hækkaði heildarlaunakostnaður um 9,9% að meðaltali í evruríkjunum á sama tímabili. Launakostnaður hækkaði þar af leiðandi um tæplega 15% meira á Íslandi en í evruríkjunum.

 

 

Heildarlaunakostnaður 30% hærri á Íslandi

Framreikningur niðurstaðna ársins 2004 fram til 2. ársfjórðungs 2007 leiðir í ljós að heildarlaunakostnaður á Íslandi í atvinnugreinunum fjórum er orðinn mun hærri en að meðaltali í evruríkjunum. Mestu munar í byggingarstarfsemi þar sem launakostnaður er 66% hærri, þar á eftir koma samgöngur með 29% hærri kostnað, þá verslun með 26% hærri kostnað og loks kemur iðnaður með 13% hærri kostnað en í evruríkjunum.

 

Smellið á myndina til að sjá stærri útgáfu!

 

Ísland í efstu sætum í öllum atvinnugreinum

Framreikningur könnunar Hagstofunnar og Eurostat til 2. ársfjórðungs 2007 á vegnu meðaltali heildarlaunakostnaðar á klukkustund í atvinnugreinunum fjórum í evruríkjunum 13 auk Bretlands, Danmerkur, Svíþjóðar og Íslands leiðir í ljós að launakostnaður er hærri á Íslandi en í öllum evruríkjunum, en hann er einungis hærri í Danmörku þegar litið er til allra landanna í samanburðinum. Launakostnaður er 32,6 evrur á klukkustund á Íslandi en 33,6 evrur í Danmörku. Hæstur launakostnaður í evruríkjunum er í Hollandi en launakostnaður í flestum evruríkjum er á bilinu 25-30 evrur. Lægstur launakostnaður er í Portúgal og Slóveníu, 10 og 11 evrur.

 

Sjá nánar: Greinargerð SA um launakostnað 28.9.2007 "

Þá er mér spurn hvort að tekinn sé vinnutími inn í dæmið á móti kostnaði ? Ég þori að veðja að hann er mikið lengri á Íslandi. Svo er nú líka spurning um hækkanir á fasteignaverði og annari framfærslu, svo ekki sé talað um bensín og díselolíu sem er hvergi dýrari en á Íslandi. Svo er það líka það að í öðrum löndum eru laun almennt þannig að hægt er að lifa á þeim miðað við 8. klst vinnudag. Sú hugsun hefur ekki náð til atvinnurekanda á Íslandi sem vilja opna vinnutíma fyrirtækjanna allt árið um kring, þrátt fyrir að geta varla mannað starfsemina. Það þýðir bara að álag á starfsmenn á bara eftir að aukst og eins og gerst hefur á síðustu misserum án þess að þorri fyrirtækja hafi, þrátt fyrir mikinn vöxt látið þá starfsmenn sem hafa fórnað miklu eða öllu vegna vinnu njóta þess í hækkunum á launum. Það er bara gert þar sem nauðsyn ber vegna samkeppni. Það hefur sést í byggingastörfum, og hjá tækja og bílstjórum.

Takk.  

Innihald kjarasamninga? Stóraukin réttindi!!!!!!!!!!!!!!!!!!!!!!!!!!!!!!!!

Jæja þá er það hugleiðing dagsins um kjarasamningana sem framundan eru og hvað mætti leggja til í réttindaaukningu

Mér þætti forvitnilegt að setja fram kröfu um að uppsagnir af hálfu atvinnurekanda verði að vera rökstuddar og að ef starfsmanni er vísað af vinnustað ólöglega þá beri atvinnurekanda að greiða án þess að starfsmaður þurfi að koma aftur til vinnu. Væri það ekki kostur fyrir einstaklinga, að sleppa við þá niðurlægingu sem fylgir því að standa á rétti sínum. Það er nefnilega þannig í dag að uppsagnarfrestur er ákveðinn í kjarasamningi og ef að hann er ekki virtur og starfsmaður leitar réttar síns þá ber honum að mæta og vinna uppsagnarfrestinn, ef að atvinnurekandi segir svo. Þetta er ekki svona ef að starfsmaður hættir án fyrirvara, því að þá má atvinnurekandi halda eftir bótum sem nema helmingi af launum í uppsagnarfresti og getur meinað starfsmanni að vinna uppsagnarfrestinn þegar hann áttar sig á stöðunni. Þetta er einstefnuréttur að mínu mati. Honum er sagt að hann hafi brotið af sér og þetta sé réttur fyrirtækis. Það sem verra er að dómskerfið á Íslandi hefur dæmt þetta löglegt. Einnig er spurning um að lengja svokölluð staðgengilslaun í veikindum því að það er skelfilegt fyrir fólk að lenda í veikindum og fá 1. mánuð á staðgengilslaunum og svo dagvinnu eftir það. Mætti auka þennan rétt, því að starfsmaður sem vinnur 10- 12 tíma á dag er ekki að gera það að gamni sínu. Hann gerir það til að framfleyta fjölskyldu eða sér. Á þessi einstaklingur ekki nóg með að lenda í veikindum án þess að þurfa að lenda í því að missa stórann hluta af tekjunum á sama tíma.

Til er í íslensku réttarkerfi orð sem heitir "tómlæti" og er notað ef að starfsmaður leitar ekki réttar síns strax hjá fyrirtæki eða stéttarfélagi. Ef að hann þekkir ekki rétt sinn og kemur eftir einhverja daga þá er réttur hans rýrður og ekkert hægt að gera í málinu. Þegar hins vegar starfsmaður leitar réttar síns strax, og setur mál í gang á hendur fyrirtæki, sem ekki sinnir fyrstu bréfum og málið er að komast á dómstig og bregst þá við. Þá þarf að taka tillit til þess og gefa fyrirtækinu svigrúm til að koma fram með sína hlið. Þetta er að mínu mati alveg fáránlegt misrétti sem ekki á að þekkjast. Þetta er að vissu leiti brot á mannréttindum finnst mér og réttur einstaklings sem ekki er með sinn rétt á hreinu er minni en réttur fyrirtækis sem á að þekkja allan rétt sem starfsmenn þeirra eiga og fyrirtækið líka, og geta í stjórnunarvaldi sínu nýtt sér til framdráttar. Það þarf að taka á þessum málum, vegna þess að þegar harðnar í ári þá kemur til uppsagna hjá fyrirtækjum og þá er gott að vera með þessi ákvæði inni. Líka þarf að huga að mismunum á launum eftir þjóðerni og kyni. Það á ekki að líðast að verið sé að mismuna fólki eftir kyni eða þjóðerni( og þá þekkingarleysi á réttindum ) í launum, og er það reyndar brot á lögum. Það mun að sjálfsögðu að huga að þessu því þetta mun spila inn í þegar dregst saman á vinnumarkaði. Verkalýðshreyfingin hefur verið að sinna vinnustaðareftirliti og reyna að upplýsa erlenda starfsmenn fyrirtækja um réttindi þeirra, og fagna ég því að nú er vinnumálastofnun að fara af stað. Sú stofnun getur komist að því hvort að verið sé að mismuna fólki eftir þjóðerni og hvet ég hana til að gera það. Mér finnst persónulega að það eigi að birta nöfn þeirra fyrirtækja sem eru að brjóta á starfsfólki sínu öðrum til varnaðar. Þegar fyrirtæki stendur frammi fyrir því að fá ummfjöllun um brot á reglum á vinnumarkaði opinberlega, líkt og kom upp í sumar þar sem fyrirtæki lét lemja pólska starfsmenn og henda út á götu fyrir það eitt að vilja fá launin sín á réttum tíma þá mun það hugsa sig um, og fara að leikreglum. Því að það er þannig að enginn vill neikvæða umfjöllun um fyrirtæki sitt eða starfsemi. Það mun bara skaða fyrirtæki á litlum markaði eins og á Íslandi. Því segi ég nú birtið nöfn brotafyrirtækja til að koma í veg fyrir að fólk ráði sig til þeirra.

  Hér er slóðin á lögin sem minnst er á um launarétt. http://www.althingi.is/lagas/133b/1993047.html sjá grein 7.

Takk