9 dagar í brottför!

Já nú er að styttast í að við förum út og erum við að pakka á fullu, komin með gám og allt að gerast. Við verðum komin út 14, fáum afhent 15 og búslóðin kemur til okkar 17 eða 18 júlí. Þá erum við orðin að dönum og bara málið að fara að læra dönsku og kynna sér hvernig hlutirnir virka þarna úti. Sækja um kennitölu og skrá sig inn í landið. Það er margt sem við höfum þurft að gera og ótrúlegt hvað kerfið hér er seinvirkt. Við fórum um daginn í vinnumálastofnun og sóttum um vottorð E301 og það tekur 8 vikur að útbúa það. Svo fórum við í Tryggingastofnun og sóttum um vottorð þar og það kemur líka þegar við erum komin út. Svo er komið bréf frá Eflingu sem staðfestir félagsaðild í stéttarfélag og bréf frá læknum og annað. Mér er farið að hlakka mikið til og ekki laust við að það sé spenningur í mér, allavega er hann að koma.

Á ekki von á öðru en að þetta gangi allt vel. Við erum með íbúðina á sölu og svo þurfum við að reyna að losa okkur við bílinn. Það getur tekið tíma að losna við hann og við verðum að borga af honum á meðan. Það er spurning um að auglýsa hann í fréttablaðinu eða 24 stundum til að prufa. Lánið er mjög hátt núna vegna gengis en það lækkar þegar krónan styrkist. Það kemur í ljós hvernig þetta fer. Ekkert að gerast með íbúðina og við erum að kanna með að leigja hana til að byrja með. Þurfum að kanna hvað er hægt að leigja hana á með herberginu niðri.

Læt heyra frá mér aftur eftir helgina.

Gústi

Mikið er ég latur að blogga.

En það er mánuður í að við flytjum til DK og mig er farið að hlakka til. Hugurinn er kominn þangað og gengur ekki vel að klára það sem þarf hér heima. Er að reyna að koma íbúðinni á sölu og það verður gert á miðvikudaginn. Þá á að taka myndir og setja á netið.

Mun halda áfram að blogga hér og segja frá því sem á daga mína dregur í nýju landi.

Ég get ekki sagt að það sé neitt sem maður saknar í umhverfinu, bara strákanna minna sem verða hér.

En það er bara allt gott að frétta, er kominn í frí og fer svo í fæðingarorlof í 2 mánuði. Svo er að vinna í Danmörku og skólinn eftir áramót.

Takk í bili.

Gústi

Skynsamlegt.

Þeir hafa áttað sig á því að það væri hálf hæpið að fara fram á að leikið yriði aftur.

Ekki svo að skilja að það sé ómögulegt, heldur er munurinn það mikill í lokatölum að það gæti verið erfitt að sýna fram á að 1 mark yfir í hálfleik hefði snúið úrslitum leiksins. Það eru 4 mörk sem skilja að.

En það er sætt að sigra Svía og kannski sætasti sigurinn til þessa. Enda í 2 skiptið á 2 árum sem við sláum þá út í keppni um sæti á stórmóti.

Svíar kvarta en kæra ekki

Alltaf með allt niðrum sig

Alveg er það ótrúlegt hvað alþingismenn og konur okkar eru alltaf að klára allt á síðustu stundu, með fullt af frumvörpum í gangi á síðustu dögum og svo er verið að greiða atkvæði um og semja lög og annað í einhverju fáti til að komast í sumarfrí. Það er alveg ótrúlegt. Seint munu þeir læra, því að þetta virðist gerast ár eftir ár.

Halló, ekki gera ekki neitt.

Rætt um sjúkratryggingar á Alþingi

Snilldar athöfn!

Vá hvað mér líst vel á þetta framtak atvinnubílstjóra. Sumir hafa sagt að þeir væru búnir að klúðra málum með því að mæta á þingpalla og hrópa og kalla, en þá kemur þetta frábæra útspil.

Styð þá heilshugar og það sem er best við þetta er að þeir eru ekki bara að hugsa um sig heldur þjóðina alla.

Þeir eru að senda skýr skilaboð til ráðherra og þingmanna um það hvernig þeir eru að drepa þjóðina, með því að gera ekkert til að bæta ástandið.

Lifi Baráttan

Fyrst og fremst táknræn athöfn

Af hveru er svona mikill munur ?????

Það er verið að dæma mann fyrir að taka annað líf og það er gott, fær þyngsta dóm sem hægt er að ég held. Af hverju er þá ekki sama gert við þá sem nauðga og misnota aðra, börn og fullorðna. Þeir eru að eyðileggja líf þeirra sem hlut eiga að og fá alveg fáránlega milda dóma. T.d lögmaðurinn sem dæmdur var í 3ja ára fangelsi fyrir að hafa samræði við börn. Fasteignasalinn sem að nauðgaði konu á hrottafenginn hátt fékk ekki eins þungann dóm og þetta. Hvaða skilaboð er verið að senda þeim sem verða fyrir þessu. Kannski að það sé ekki alvarlegt að eyðileggja líf, bara ef að þú endar það.

Þetta er mikið hitamál og veit ég að Atli Gíslason alþingismaður og Hæstaréttarlögmaður hefur líkt þessu við "sálarmorð " og það er mikið til í því.  

Mér finnst að það þurfi að skoða þetta og breyta reglum um hvað má fara fram á þunga refsingu fyrir brot af þessu tagi. Þetta eru að mínu mati verri brot, og miklu verri afleiðing heldur en af manndrápi eða morði. Ekki að það að ég sé að daga úr alvarleika slíkra brota.

Pæling! 

Dæmdur í 16 ára fangelsi

Enn eitt klúðrið

Það væri fróðlegt að vita hversu mörg mál hafa farið á sama veg og þetta. Það er alltaf verið að sýkna eða vísa frá málum vegna þess að ákæruvaldinu tekst ekki að sanna sekt eða þá að liðinn er of langur tími og svo framvegis.

Man ekki eftir öðrum eins tíma þar sem fréttir eru að berast af jöfn mörgum málum er hreinlega "klúðrað" af hálfu ákæruvalds.

Þetta er eitthvað sem þarf að skoða betur.

Takk.

Sýknaður af ákæru fyrir axarsveiflu

Frábær drengur

Heyrði í kauða hjá Hemma Gunn og mikið var gaman að heyra hvað hann er jarðbundinn og skemmtilegur karakter sem var eingöngu að vinna í að koma sér á framfæri sem tónlistarmanni, en ekki bara til að verða frægur og fá athygli. Hann er frábær söngvari og lagasmiður. Hann hefur alla burði til að ná langt og gaman verður að fylgjast með honum í framtíðinni.

Eyþór Ingi kemur sterkur inn

Glitnir sýnir fordæmi

Já enn og aftur er Glitnir að sýna fordæmi og bregðast við. Það er verið að vinna í að fella niður gildandi kauprétti og svo hafa forsvarsmenn bankans og stjórnarmenn tekið á sig launabreytingar til lækkunar ef að ég man rétt. Það er frábært að vita til þess að svona sé brugðist við þegar aðstæður breytast, og þó að það sé spurning um ágæti þessara samninga þó að vel ári. En enn og aftur finnst mér þeir vera að bregðast við á réttan hátt. Það var í fréttum um daginn að verið væri að segja upp fólki og það er miður en miðað við það sem verið er að gera í launamálum og kaupréttarmálum þá er þetta eini bankinn sem að ég veit um sem að tekur til innanhús hjá ráðamönnum.

Takk

Ætla að fella niður gildandi kauprétti hjá Glitni

Er þetta ekki alveg magnað ?

Verðið hækkar og hækkar, sveiflast til og frá en það er nú svo skrýtið að það virðist ekki taka lækkunum hér heima þegar það ertu sveiflur niður á við í verði ? Af hverju skyldi það vera ?

Ekki er nóg með að íslensku olíufélögin vilji græða sem mest á bensín og olíusölu heldur eru þau að herja inn á veitinga og verslunarmarkaðinn, og eru ekki með lágvöruverð þar, það er á hreinu. Ekki hefði ég trúað því að bensínstöð í Reykjavík yrði eins og hún er í dag, miðað við hvernig hún var á árunum 78-90 en þá var bensínstöð bara bensínstöð. Nú sjáum við Subway, Quiznos, KFC og að ég held Burger King á bensínstöðvum. 

Græðgin að drepa félögin???? Ég bara spyr.

Verð á olíu 124,47 dalir tunnan