Sjálfsagt að taka tillit til slökkviliðs og láta þá vita.

En ég er viss um að þeir sem þar starfa eru sammála því að það var þarft að gera eitthvað í málunum og láta ríkið finna það að ekki er öllum sama. Það er með ólíkindum á 21 öldinni að ekki sé brugðist við þessu. En kannski er þetta en ein sönnun þess að við erum bananalýðveldi og það eru bara þeir sem eiga aura sem eiga rétt á einhverju.

Það er ekki verið að spá í það sem gert var í febrúar, en þá var verið að undirrita mjög ábyrga kjarasamninga og þetta er ekki gott í það umhverfi. Tel að ríkisstjórnin eigi að stíga fram og lækka álög á bensín og olíu. Svo má líka setja inn í þetta að ríkið ætti að sjá sóma sinn í að fella niður stimpilgjöld, ekki bara af fyrstu íbúð.

Lokun vegarins háalvarlegt mál

Tími til kominn !

Það er löngu orðið tímabært að láta aðeins vita að ekki eru allir sáttir við það að allt sé að hækka. Gaman væri að vita hvað rekstrarkostnaður hefur hækkað á einum svona trukk á mánuði.

Gaman væri að sjá hvað yfirvöld ætla að gera í framhaldi, svo ekki sé talað um olíufélögin sem hækka alltaf þegar gengið sveiflast og olía hækkar, en ekki þegar hún lækkar. Allavega ekki alveg jafn mikið.

Bílstjórar hætta aðgerðum

Þetta er eins og á Íslandi, allir skyldir öllum

Ótrúlega fyndin tilviljun að þau sem eru að keppa um að verða forsetar skuli vera tengd hjónum sem eru mikið í fréttum og fræg. 

Það er hins vegar alveg ótrúlegt að tengja það að einhverju leiti við forsetakosningarnar, en svona er Ameríka. 

Frægt frændfólk frambjóðenda

Jæja þá er komið að smá pistli

Jú það er búið að vera mikið að gera hjá mér síðustu vikur og ekki verið tími til að henda inn pistli. Nú er ég hins vegar í feðraorlofi og þá er um að gera að setja inn smá fréttir.

Það sem er búið að gerast er að ég var að ferma dreng nr 2 í hópnum og það gekk allt vel. Hann kom og gisti hjá okkur daginn fyrir fermingu, en hann er fluttur til Grindavíkur með mömmu sinni og bróðir. Hann hefur ekki komið í næturgistingu hjá okkur í 1 og 1/2 ár eða svo. Það var því mikil gleði að hann skildi velja að gista hjá okkur þessa nótt. Hann talaði um að fara að koma oftar.

Svo vorum við hjónin að eignast eina fallega stúlku þann 14 mars og er það fyrsta skvísan í hópnum, fyrir utan uppeldisdóttur mína sem er 18 ára eins og frumburðurinn minn. Hann fékk þessa litlu dömu í afmælisgjöf, en hann á sem sagt afmæli 14 mars og varð þá lögráða. Til hamingju með það Andri minn.

Við erum að snúllast hér heima með dúlluna okkar og Dana er að skríða saman, en það gengur hægt. Vona þó að það hafist á endanum. Hún á það til að vera að gera hluti sem ekki eru góðir fyrir hana. Svo var verið að standsetja herbergi fyrir litlu og það er búið að taka smá tíma.

Annars er allt gott að frétta af okkur og við biðjum að heilsa öllum sem við þekkjum.

Takk.

Svona fyrirtæki á ekki að vinna fyrir opinbera aðila.

Það ætti að vera alveg klárt að ekki á að leyfa fyrirtækjum sem verða uppvís að svona málum að vinna fyrir ríki og bæi. Það á að taka af þeim öll verk sem eru á þeirra vegum. Það er það eina sem þau finna fyrir. Verður að refsa fyrir þessa framkomu og er það nokkuð víst að þetta mun skaða ímynd landsins.

Greiddu 4,2 milljónir kr. í vangreidd laun

Fallinn er frá mikill snillingur

Já það var fyrir tilviljun að ég hlustaði á plötu með þessum mikla snillingi og þvílíkt og annað eins. Hann fer ótrúlega fimum höndum um gítarinn, þrátt fyrir sjúkdóm sinn.

Blessuð sé minning hans.

Jeff Healey látinn

Einkennilegur andskoti

Það er ótrúlegt hvað þetta gekk langt, og hversu mikið var tekið. Ekki mátti ellilíeyrisþegi eiga 50.000 kr í banka eða sparnaði þá var búið að lækka greiðslur til hans frá Tryggingastofnun. Þeir voru snöggir að finna út ef að bótaþegar þeirra voru að safna aur en ekki þegar starfsmaður þeirra stal og stal. Held að það ætti að taka þetta almannatryggingkerfi í algjöra endurskoðun og gera það þannig að það hvetji fólk til að bjarga sér með vinnu eða sparnaði en ekki að letja fólk.

Ákært í fjársvikamáli

Mikið á þessi gott!

Og vonandi fer þetta á stað þar sem þörf er á.

Til hamingju sá sem þetta vann.

Fær 21 milljón í vinning

Hver vegna í ósköpunum er verið að þessu ?

Er eitthvað sem réttlætir að verið sé að setja út á trúarbrögð annara ? Höfum við rétt til að dæma aðra trú en þá sem við trúum á ? Ég spyr.

Ég hef aldrei skilið það að þurfa að vera að valda þessum látum, og ekki hef ég séð að verið sé að gagnrýna aðra trú en Íslamstrú. Er ekki í lagi að fólk hafi þessa trú í friði og að við sem ekki trúum látum það í friði að vera að gagnrýna. Kasti sá fyrsta steininum sem syndlaus er. Það er magnað að verið sé að gagnrýna það sem fólk telur rétt í sínu lífi og þar með að setja allt á annan endann.

Leyfum þeim að trúa. 

Hollensk kvikmynd um kóraninn veldur titringi

Kosið um kjarasamninga!!!!!!!!!!!!!!!!!!!!!!

Já þessa dagana er verið að kjósa um kjarasamningana sem undirritaðir voru þann 17. febrúar.

Það ætla ég að vona að íslenskt launafólk taki þátt í kosningunni og nýti sér atkvæðisrétt sinn. Það eru alveg örugglega skiptar skoðanir á þessum samningi og það er ekki hægt að koma þeim á framfæri á betri hátt en að greiða atkvæði eftir því. Að hafa allt á hornum sér á kaffistofunni eða í fjölmiðlum, bloggsíðum eða annarsstaðar er ekki nóg. Það er atkvæðið sem segir mest. Það versta sem getur gerst er að samningurinn verði samþykktur á of lítilli þátttöku í kosningu. Í mínu félagi er póstkosning og það er kannski meiri hætta á að í slíkri kosningu verði lítil þátttaka, en munum það að það ber engin ábyrgð á okkar afstöðu annar en við sjálf. Það er ætlast til að seðlarnir séu sendir með pósti en það er líka hægt að koma þeim á skrifstofu félaganna og í póstkassa fyrir utan skrifstofur. Mæli með að allir nýti atkvæðisrétt sinn og segi sína skoðun eða skili auðu. Það er að nýta rétt sinn til atkvæðagreiðslu og hafa eitthvað um málið að segja. Það er það sama sem gildir í þessu og öðrum kosningum, nota atkvæðið. Ekki segja að það sé ekki ykkar mál. Þetta er það sem maður heyrir svo oft þegar talað er um menn í stjórnarflokkum eða alþingismenn. Ég kaus ekki af því að mér finnst þetta ekki gott, en þá fá allir sem finnst þetta gott að segja sitt og enginn mótmælir. Og staðan verður óbreytt og ekkert hægt að gera.

Númer 1,2 og 3 að greiða atkvæði hvort sem þú ert með eða á móti, eða skilar auðu. Það er atkvæði nýtt.

Takk.