Er þetta hægt ?

Að vegagerð ríkisins sé að funda með fyrirtæki sem er búið að klúðra öllu sem hægt er við þetta verk, skuldar laun og búið að missa öll tækin um að reyna að halda verkinu áfram. Og með undirverktökum sem að öllum líkindum eiga inni greiðslur hjá Jarðvélum án þess að ég viti það nákvæmlega. Miðað við það sem á undan er gengið tel ég það líklegt að það sé sviðin jörð allt í kring um Jarðvélar. Er ekki rétt að þeir sem eru ábyrgir fyrir fyrirtækjum sem fara í gjaldþrot, og eiga ekki fyrir skuldum séu útilokaðir frá eigin atvinnurekstri í einhvern tíma. Það er ekki eðlilegt að þeir getir sett í þrot fyrirtæki, látið skattborgara landsins borga syndir sínar og farið af stað með annað fyrirtæki. Það er það sem er að gerast í þessu tilfelli. Þeir sem stýrðu Jarðvélum eru með annað fyrirtæki sem Jarðvélar voru að vinna fyrir og að mér skilst búnir að kaupa tæki og annað í nafi þess. Er það ekki skoðað að hálfu fjármögnunarfyrirtækjum og bönkum hvort að þeir sem eru á bak við þessi fyrirtæki séu með hreinan skjöld. Á að leyfa þeim að leika sér með peninga almennings.

Ég segi nei það á að útiloka þá frá eigin rekstri í jafn langan tíma og það tekur einstakling að hreinsa nafn sitt eftir gjaldþrot.  

Aftur útboð vegna Reykjanesbrautar

Framför ?

Ég myndi segja það já.

Þrátt fyrir að tapið væri stórt þá komumst við niður í 2ja marka mun en vantaði stöðuleika, því að við misstum það niður aftur.

En það var ágætt að horfa á leikinn og margt sem var betra en áður en það er alveg einkennilegt að ekki skuli vera til fleiri skyttur sem geta skorað utan af velli. Það er eitthvað sem í hópinn vantar, allavega eru þeir sem eiga að sinna því ekki að standa sig sem skildi.

Margir af þessum strákum eru mjög góðir spilarar en hafa ekki náð sér á strik.

EM: Átta marka tap gegn Þjóðverjum

Hvers eigum við Reykvíkingar að gjalda ?

Það er alveg ljós miðað við atburði gærdagsins og dagsins í dag að það er ekki hægt að treysta neinum sem kosinn er. Það sem skiptir máli fyrir þá sem eru kjörnir, allavega í síðustu borgarstjórnarkosningum er að fá völd og stöður og nóg af þeim. Hvað skildi þetta nú allt saman kosta okkur borgarbúa ? Við erum að lenda í því að vera með 3 aðila á Borgarstjóralaunum, sem er sennilega ansi dýrt spaug. Þá er kannski rétt að vera ekki að velta sér upp úr þeirri stöðu sem er í gangi á leikskólum og í aðhlynningu. Bara einbeita sér að því að ná völdum. Það er búið að skilja að grunn og leikskólasvið, búið að sameina það aftur að ég held og verður það kannski skilið í sundur aftur. Er ekki rétt að einbeita sér að því sem þarf að laga sem snýr að þjónustu við borgarbúa.

Tel að það sé brýnna en að laga þá stöðu sem er og kannski á að breyta fyrirkomulaginu á því sem nú er ? Er það ekki eitthvað sem allir velta fyrir sér, eða kannski bara að færa sig um set.

Get ekki séð að þetta þjóni hagsmunum okkar sem búum í Reykjavík heldur eingöngu þeirra sem eru að vinna á þessum vettvangi. Það var mikið rætt um að Björn Ingi hefði verið óheiðarlegur gagnvart sjálfstæðisflokknum, og hvað gera þeir nú ? Stíga enn lengra og eru að nýta sér veikleika annara og bjóða gull og græna skóga til að komast til valda. Það er ekki gott, en kemur ekki á óvart þegar maður veltir upp því sem hann stendur fyrir. Björn Ingi er einstaklingur sem var ekki sáttur við stöðu mála sem verið var að vinna að , en að heill flokkur með hjálp foringjans, skuli leggjast svona lágt er þeim ekki til framburðar. Tel að þetta skaði mikið og spyr mig. Myndi ég kjósa svona fólk ? Svarið er nei. Ef að ekki er hægt að vera heiðarlegur þá er ekki hægt að veita umboð til að vinna að hagsmunum manns. Það eru bara þeirra eigin hagsmunir sem skipta máli.

Skítt. 

Mikil vonbrigði

Haldið áfram á þessari braut.

Já það er rétt hjá Guðjóni að nú var gaman að horfa á leikinn og hann var í heild fínn. Var samt ekki hress með kaflann sem kom í seinni hálfleik og er viss um að ef ekki hefði verið þetta mikið forskot eftir hreint frábærann fyrri hálfleik, þá hefðum við getað tapað leiknum.

En allt er gott sem endar vel og ég er viss um að landsliðið á eftir að leika góðann leik við Frakka. Það er það sem skiptir máli.

Guðjón Valur: Batamerki á leik okkar

Frábært framtak hjá iðkenndum á Selfossi

Já sannur ungmennafélagi Selfoss og ekkert að því að reyna að minnka snjóinn til þess að geta komið starfinu á sem fyrst aftur. Líst vel á þetta.

Snjóbolti á Selfossi

Tek ofan fyrir Landsvirkjunarmönnum.

Já ég get ekki sagt annað en að þetta er alveg frábært af þeim að gera þetta og leysa vanda starfsmanna fyrirtækisins. Bara að einhver hefði haft sömu samkennd varðandi mál Jarðvéla.

Það á ekki að bitna á starfsmönnum þegar svona hlutir gerast og það er fáránlegt að bankinn skuli koma í veg fyrir að fyirtæki geti greitt starfsmönnum sínum laun, til að takmarka tjón sitt þá er fjölskyldum starfsmanna stefnt í voða. Reikna nú með að bankinn sé betur í stakk búinn til að lenda í svona aðstæðum en starfsmenn og fjölskyldur þeirra.

En hvernig má það vera að fyrirtæki eins og Arnarfell og Jarðvélar sem virðast vera í góðum verkum, annars vegar hjá Landsvirkjun og svo vegagerð sem bæði eru tengd ríkinu, lendi í svona fjárhagserfiðleikum á tímum eins og nú, aldrei meiri uppbygging og allir að springa undan verkefnastöðu og eru frekar í vandræðum með að taka við verkum og manna heldur en að missa allt úr höndunum. Það hlýtur að vanta eitthvað í umræðuna um stöðu þessara fyrirtækja. Það er t.d. talað um að eigendur Jarðvéla séu að selja eignir til að koma undan peningum og að þeir séu að byggja upp annað fyrirtæki á Suðurnesjum sem  tengist Motorpark eða hvort að það er það sama. Skil ekki að þetta sé hægt. Þeir voru með stór orð fyrir jólin um að ekki yrði neinn svangur og svo framvegis en hvað gerðist ? Engin laun og ekkert orlof í banka. Bara svik og aftur svik. Báðu svo menn að vinna hjá sér áfram án þess að ætla að gera upp laun.

En aftur að Arnarfelli, ég vona að það leysist úr þeirra málum og legg til að ef að fyrirtækið á einhvað í banka að þá fái þeir að greiða starfsmönnum laun þegar þess þarf. Ekki láta þetta bitna á þeim sem síst ætti.

 

Landsvirkjun greiðir laun Arnarfells

Kemur á óvart eða hitt þó !

Þetta er algjört grín að verða og það er með ólíkindum hvað atvinnurekendur eru ósvífnir. Það skiptir þá engu máli hvað þetta tekur langann tíma því að þeir eru að spara á því að tefja. Þeir hefðu þurft að hækka launin 1. janúar ef samningur hefði verið klár en nú eru þeir að spara sér einhverjar krónur á kostnað starfsmanna sinna. Og ætlast svo til að allir leggi sig fram um að vinna að aukinni framleiðni og skapa meiri verðmæti inn í fyrirtækin. Það myndi nú eitthvað heyrast í þeim ef að starfsmenn myndu slaka á og vinna á eðlilegum hraða og ekki vinna langa vinnudaga.  En það er einmitt það sem vakir fyrir þeim, að hækka ekki launin svo að starfsmenn þurfi að vinna lengi og mikið.

Skil ekki þessa stefnu en þetta er það sem sjálfstæðismenn standa fyrir og vilja ekki réttlæti. Það sem mér þykirt verra er hversu lágt samfylkingin er að leggjast til þess að vera í ríkisstjórn, og fórna öllu sem þau hafa sagt sig standa fyrir. En svona er nú bara lífið.

Ég vil að við förum í stríð við þessa atvinnurekendur og verðum hörð á okkar kröfum, sem ekki erum miklar, en standa í atvinnurekendum og segja þeir að allt fari til andskotans. Verðbólgan rjúki upp og allt það, en HALLÓ það er þannig í dag þrátt fyrir að síðustu samningar hafi ekki verið með mjög háum launahækkunum.

Skítt er þetta en við tökum á þessu vonandi.

Áhugi á samningi til eins árs

Þekkir þetta vel.

Já er það ekki málið að skoða hvað hægt sé að gera fyrir láglaunfólk?

Það er gaman að heyra að það er einhver sem vill taka undir þær hugmyndir og tillögur sem verkalýðshreyfingin er að velta upp til að geta komið á kjarasamningum í landinu án þess að setja allt á annan endann. Mér finnst rétt að hlutirnir séu skoðaðir, til þess að hægt sé að meta hvort að þeir skili árangri og létti fólki lífið.

Vill láta skoða tveggja þrepa tekjuskatt

Gaman væri að vita hvað er að gerast.

Það er alveg ljóst á miðað við þau skilaboð sem send hafa verið til okkar í fjölmiðlum að það er ekki mikils að vænta.

En aldrei að segja aldrei, því að allt getur gerst. Vona að þessi mál fari að skýrast og þá að það komi einhver ásættanleg niðurstaða.

Fyrsti samningafundurinn

Snilld að heyra

Þetta er eitthvað sem getur auðveldað mörgum lífið. Það ættu fleiri sveitafélög að taka þetta sér til fyrirmyndar. Kannski maður flytji í Garðinn ?? 

Greiddar umönnunarbætur í Garði