Já það er margt óljóst í þessu máli ?

Skil ekki hvernig þetta fyrirtæki sem er að vinna fyrir ríkið getur farið á þann hátt sem þarna gerðist, þrátt fyrir að hafa verið til í áratugi eða þar um bil. Svo eru eigendaskipti og allt fer til fjandans. Það hlýtur að vera eitthvað bogið við það ? Segi ekki meir um málið. Tel að það eigi að bjóða þeim sem unnið hafa sem undirverktakar að klára verkið ef hægt er, að öðrum kosti að bjóða það út. Hver er ábyrgur þegar svona gerist, því að það hlýtur að hafa áhrif á rekstur þeirra fyrirtækja sem eru að vinna sem undirverktakar og missa af þeim tekjum sem þau áttu að fá. 

Óljóst hver tvöfaldar brautina

Hvað er að gerast ?

Ótrúlega er búið að vera mikið um þetta á árinu og sem betur fer ekki verið um að ræða  einstaklingarnir komi ekki fram heilir á höldnu.

Mikið er það nú skrýtið að það þurfi að leita að einstaklingunum á þessari tækniöld, hélt að það væru allir með síma og hægt væri að ná í þá.

Vona að hann komi í ljós og að sjálfsögðu ómeiddur.

 

Lýst eftir 17 ára pilti

Það er góð spurning eða ????

Er það ekki bara málið að hann vill viðhalda þeirri stefnu sem er í gangi að breikka bilið á milli þeirra sem ekki hafa í sig og á og þeirra sem eiga nóg, og vilja meira.

Það getur ekki verið að það sé vilji þeirra að ekki náist saman um samninga vegna þessa. Það er að sjálfsögðu allra hagur að ná sátt og reyna að vinna gegn verðbólgunni, og það er hægt með myndalegu framlagi ríkisstjórnarinnar, en lítil er vilji manna að leysa þau mál.

Það kom fram í könnun sem gerð var fyrir Hagstofuna í kringum áramótin að það var rúmlega helmingur þeirra sem spurðir voru, sem áttu von á verkföllum á þessu ári og það hlýtur að segja mönnum að fólk er orðið þreytt á þessu ástandi og harmagráti atvinnurekenda sem hingað til hafa verið að monta sig af góðri afkomu og svo er allt í hers höndum núna og ekki hægt að deila góðri afkomu með þeim sem eru að skapa afkomuna með fyrirtækjunum.

Skilur ekki hvað Vilhjálmi gengur til

Ótrúlegur maður hann Magnús.

Já það er óhætt að segja að hann er dæmi um það að ef að þú trúir á eitthvað þá sé hægt að framkvæma það.

Ég var þess heiðurs aðnjótandi að vera að æfa á líkamsræktastöð sem hann átti og kynntist honum lítillega. Það var ótrúlegt að hlust á hann og heyra hvernig hann leit á hlutina. Þetta var árið 1998 og þá var hann að byrja á þessu Latarbæjarævintýri. Mér var sagt á þeim tíma að það væri dæmi upp á 100 millj. að minnsta kosti og viti menn, það hefur orðið miklu stærra að ég held.

Frábært að hann skuli hafa náð þessum árangri og ótrúlegt hvað hann er búinn að vinna þetta sjálfur að stórum hluta. Það er fyrst núna árið 2007 sem að hann fer að fá staðgengla til að koma fram sem íþróttaálfurinn.

Til hamingju með þetta Magnús.

Magnús Scheving meðal ríkustu manna heims?

Alveg magnað!

Hvernig árið 2008 virðist ekki vera gott fyrir 19 ára karlmenn en það eru 3 látnir á nokkrum dögum og það bara á norðurlöndunum, allavega sem að ég hef séð fréttir um.

Bara að það verði ekki framhald á þessu. Það er aldrei gaman að heyra fréttir af þessu tagi og allra síst þegar um ungt fólk er að ræða.

 

Tveir til viðbótar handteknir vegna manndráps á Strikinu

Góð áhöfn í vondu veðri.

En kannski er það furðulegt að áhöfnin þurfi að biðja um þetta en ekki að það sé gert af beiðni yfirmanna. Það er spurning um það hvort að ekki eigi að vera reglur um að þetta sé alltaf í boði fyrir farþegar þegar slíkir atburðir henda. 

Farþegum boðin áfallahjálp

Svona er Ísland í dag.

Sá viðtal við konu um daginn í sjónvarpinu sem var að tala um það sama varðandi Iceland Express og það er alveg ótrúlegt hvað flugfélögin virðast vera illa undirbúin þegar þessi staða kemur upp. Það væri betra að segja frekar lengri tafir og breyta því ef hægt er. Ekki er gaman fyrir fólk sem er að fara í ferðalag að vera í mikilli óvissu, vegna þess að sumir eru að fara lengra og búnir að gera ráðstafanir um framhaldsflug eða lestarferðir.

Það kom í ljós um daginn að margir voru að missa af öðrum ferðum vegna þess að verið var að seinka flugi í smá skömmtum og þá var fólk ekki að breyta bókunum, sem það hefði getað gert ef að vissa væri um langa töf.

Mæli með að flugfélögin taki á þessum málum frekar en að eiga það á hættu að fólk forðist að fljúga með þeimþ 

Löggan send á reiða farþega

Enn eitt dæmið um hættuna !!

Já það er ekki ofsögum sagt að flugeldarnir séu hættulegir, og það er spurning um hver ber ábyrgð á þessu slysi ? Hver var að skjóta upp og skyldi eftir flugeld sem ekki var virkur. Það er bara til að bjóða hættunni heim eins og gerist í þessu tilviki. Hvað ef þetta hefðu verið yngri börn sem þarna komu og hefðu farið að fikta.

Getur verið að sá eða þeir sem voru að skjóta upp verði gerðir ábyrgir fyrir þessu. Það er í flestum tilfellum tekið mjög hart á málunum í Svíþjóð.

Vona að það komi ekki svona alvarlegt slys á Íslandi en maður veit aldrei.

Sænskur drengur lést í flugeldaslysi

Hann hefur verið landi og þjóð til sóma.

Ég er ekki viss um að það verði eitthvað ódýrara að fá annan forseta en ef að það er viljinn þá er tækifærið í sumar.

Mér finnst hann Ólafur hafa staðið sig vel og komið landinu á framfæri og verið fenginn til að gera fullt af hlutum sem að aðrir forsetar hafa ekki verið að gera.

Því segi ég að það á ekki að vera að væla yfir þessum kostnaði því að hann er að skila góðu starfi.

Æ dýrara í rekstri

Nýtt ár komið og þá fer að styttast í kjarasamninga.

Já og það er verið að boða hækkanir á matvöru að mér skilst hjá birgjum Bónus. Það er ekki hægt að segja að það sé vegna launahækkanna.

Það er nefnilega ekki búið að gera þá og skrýtið ef að það ætti að vera ástæðan. Þá spyr maður sig hvers vegna er verið að hækka núna, er það til þess að tryggja að ekki fáist neitt út úr launaækkunum eða hvað ? Ég get alveg skilið það að það verði breytingar á verði út í heimi en það hefur ekki verið talað um það að ég held. Nú svo er bensín og díesel að hækka eina ferðina enn, og ekki er mikil lækkun orðin á íbúðarhúsnæði. Svo er það alltaf spurning hvað verðbólgan er og verður mikil. Hún er núna tæplega 6 prósent og það er allt of mikið að mínu mati.

Læt þessar pælingar duga í bili.

óska ykkur öllum gleðilegs árs og takk fyrir þau gömlu.