Hver vegna í ósköpunum er verið að þessu ?

Er eitthvað sem réttlætir að verið sé að setja út á trúarbrögð annara ? Höfum við rétt til að dæma aðra trú en þá sem við trúum á ? Ég spyr.

Ég hef aldrei skilið það að þurfa að vera að valda þessum látum, og ekki hef ég séð að verið sé að gagnrýna aðra trú en Íslamstrú. Er ekki í lagi að fólk hafi þessa trú í friði og að við sem ekki trúum látum það í friði að vera að gagnrýna. Kasti sá fyrsta steininum sem syndlaus er. Það er magnað að verið sé að gagnrýna það sem fólk telur rétt í sínu lífi og þar með að setja allt á annan endann.

Leyfum þeim að trúa. 

Hollensk kvikmynd um kóraninn veldur titringi

Kosið um kjarasamninga!!!!!!!!!!!!!!!!!!!!!!

Já þessa dagana er verið að kjósa um kjarasamningana sem undirritaðir voru þann 17. febrúar.

Það ætla ég að vona að íslenskt launafólk taki þátt í kosningunni og nýti sér atkvæðisrétt sinn. Það eru alveg örugglega skiptar skoðanir á þessum samningi og það er ekki hægt að koma þeim á framfæri á betri hátt en að greiða atkvæði eftir því. Að hafa allt á hornum sér á kaffistofunni eða í fjölmiðlum, bloggsíðum eða annarsstaðar er ekki nóg. Það er atkvæðið sem segir mest. Það versta sem getur gerst er að samningurinn verði samþykktur á of lítilli þátttöku í kosningu. Í mínu félagi er póstkosning og það er kannski meiri hætta á að í slíkri kosningu verði lítil þátttaka, en munum það að það ber engin ábyrgð á okkar afstöðu annar en við sjálf. Það er ætlast til að seðlarnir séu sendir með pósti en það er líka hægt að koma þeim á skrifstofu félaganna og í póstkassa fyrir utan skrifstofur. Mæli með að allir nýti atkvæðisrétt sinn og segi sína skoðun eða skili auðu. Það er að nýta rétt sinn til atkvæðagreiðslu og hafa eitthvað um málið að segja. Það er það sama sem gildir í þessu og öðrum kosningum, nota atkvæðið. Ekki segja að það sé ekki ykkar mál. Þetta er það sem maður heyrir svo oft þegar talað er um menn í stjórnarflokkum eða alþingismenn. Ég kaus ekki af því að mér finnst þetta ekki gott, en þá fá allir sem finnst þetta gott að segja sitt og enginn mótmælir. Og staðan verður óbreytt og ekkert hægt að gera.

Númer 1,2 og 3 að greiða atkvæði hvort sem þú ert með eða á móti, eða skilar auðu. Það er atkvæði nýtt.

Takk.

Maður sér að sumir eru ekki klárir að keyra í snjó!

Getur það verið að fólk sé búið að gleyma hvernig á að keyra í snjó ? stundum finnst mér það og spyr hvernig á því standi. Jú þá er svarið það að ekki hefur verið mikill snjór í nokkur ár og því komin kynslóð bílstjóra sem ekki hefur fengið reynslu og er að keyra full hratt miðað við aðstæður.

En þetta er bara mín pælíng.

Þæfingsfærð í höfuðborginni

Skelfur Ísland ??

Það er naumast að það gengur á þarna norðan jökuls ? Er verið að mótmæla raski á umhverfi og róti á náttúrunni.

Held að það sé kaldhæðni að segja annað. Ef að þetta er búið að vera í gangi í 1 ár þá er eitthvað mikið að gerast. Vonum bara að ekki verði manntjón af.

320 smáskjálftar við Upptyppinga