Frábært framtak

Já það er gott að það sé verið að tryggja ákveðin réttindi í þessu umhverfi. Það er ekki gott að ekki séu í gildi kjarasamningar í stéttum.

Samþykktu kjarasamninga smábátasjómanna

Hér er komið dæmi um það sem ég sagði í fyrri færslu.

Þessi á eftir að versla við björgunarsveitirnar í framtíðinni, annað væri furðulegt.

Maður lenti í vök - björgunarsveitir á leiðinni

Styðjum björgunarsveitirnar!!!!!!!!!!!!!!!!!!!!!

Já það er ekki spurning um að við eigum að styðja við bakið á þeim því að þær eru að vinna frábært og óeigingjarnt starf í okkar þágu, ekki erum við spurð hvort að við styðjum þær ef að við lendum í þeirri aðstöðu að þurfa hjálp eða björgun.

Ég og mín fjölskylda styðjum Kyndil í Mosfellsbæ þetta árið eins og svo oft áður og ég sem Reykvíkingur dáist að því hvað þeir eru með öflugt starf og hvað þeir hafa gott fólk á bak við sig. Það mætti mikið af þeim læra að ég held.

Skil ekki þessa áráttu okkar að þurfa að fara í samkeppni við björgunarsveitinrnar bara til þess að græða peninga og þá líka í leiðinni að hafa af þeim tekjur, það er ekki ofsögum sagt að margur verður að aurum api. Það kemur fram í þessari hegðun. Vona að ég særi engann en þetta er mín skoðun að við eigum að láta björgunarsveitirnar njóta þessa markaðar og leyfa þeim að hafa flugeldasöluna ósnerta, því að við gætum þurft á sveit að halda og þá væri ekki gott að vita að það var ekki hægt vegna peningaleysis.

Takk og gleðilegt ár. Styðjum björgunarsveitirnar.

Hörð samkeppni í flugeldasölu

Frábært framtak

Það er alltaf gott þegar menn átta sig á því sem er mikilvægast í baráttunni við bakkus og allann þann óþverra sem flæðir inn í landið.

Hvar er áætlun Framsóknarflokksins um Ísland á eiturlyfja ?

Það er ekki nóg að segja þetta og lofa öllu. Það þarf að byrja á byrjuninni sem er forvörnin. Þórarinn og hans fólk er rétta fólkið til að vinna á þessum grundvelli og það er því frábært að sjá að Reykjavíkurborg sé að taka á þessum málum með festu.

Takk. 

Reykjavíkurborg styrkir SÁÁ

Eru það allir sem hafa notið ????

Gleðilega hátíð

Nei það er ekki þannig og þessi söngur er alveg út í hött. Hver eru viðmiðin sem menn nota við að reikna þetta og fá þessa útkomu ?

Það er alveg satt að margir hafa fengið kaupmátt, en ég hallast að því að sá hópur sem ekki hefur notið hans sé stærri en menn vilja viðurkenna og það er það sem við viljum breyta.

Það er nefnilega mikið meira um fátækt en þeir aðilar sem eru að reikna út þessa kaupmáttaraukningu hjá fólki.

Því segi ég, að það er alveg sama hvað gert er. Við höfum ekkert með þetta að gera og það er að sýna sig núna. Hvað er þjóðarsáttin búin að vara lengi og láglaunastéttir landsins búnar að taka ábyrgðina á verðbólgunni og samt fer allt á fullt. Það eru stjórnvöld sem hafa þetta í hendi sér og eru að gera þeim sem nóg hafa betri skil en þeirra sem eru að stórum hluta að vinna þá vinnu sem skapar verðmætiin.

Takk  

Kaupmáttur jókst um 71% milli 1990 og 2007

Var eitthvað annað í stöðunni ???

Ég get ekki séð annað en að þetta hafi verið það eina rétta sem var í stöðunni. Hef heyrt að tækin séu farin og er þá hægt að vinna áfram ?

Svo er það spurning um hvort að þeir geti þá greitt þau laun sem að þeir skulda starfsmönnum. Ef að tekinn hefur verið líka bíll eiganda fyrirtækisins eins og fram kemur á www.geirinn.is 

Þá hlýtur að koma að gjaldþroti og spurning hvort að það er ekki eina leiðin í þessu máli, og þá kemur upp spurning um hvort að það sé til upp í kröfur í búinu ef að allt hefur verið tekið.

Ekki eru svo gleðileg jól hjá þeim starfsmönnum sem ekki fengu greidd laun nema að hluta og en verra hjá þeim sem ekkert fengu. Hvað með útlendingana, er búið að koma þeim til síns heimalands til að losna undan kröfum eða hvað. Hvar eru þeir staddir nú??? Mér er spurn.

Ef að einhver veit um menn í vanda þá endilega látið það koma fram hér á síðunni og bendið þeim á þann rétt sem þeir hafa og hvert þeir geta leitað.

Takk.

 

 

Jarðvélar gefa frá sér breikkun Reykjanesbrautar

Á að fyrra sig ábyrgð ?

Já maður veltir því fyrir sér hver átti fyrirtækið þá og hver í dag. Mér finnst mjög mikilvægt að þetta skildi koma fram því að eftir minni vitund er enn verið að vinna að því að útrýma samkeppni, og þá í landflutningum. Það eru ófá fyrirtæki sem hafa í áratugi verið að flytja vörur á landi meðan Eimskip var að sigla umhverfis landið sem hafa verið nauðbeygð til þess að verða hluti af Flytjanda sem er landflutningafyrirtæki Eimskipa. Það er ótrúlegt hvað gert hefur verið í krafti stærðar til þess. Veit það fyrir víst að allt er gert til að komast að í þessum geira og ef að ekki er sagt stopp þá verður allt gleypt.

Fyrir mörgum árum var ég á ferð í Bandaríkjunum og var þá verið að ræða það hvernig fyrirtæki ég ynni hjá. Þegar ég sagði það vera fyritæki sem væri í sjó,land og flugfrakt var sagt við mig að slíkt væri bannað í BNA. Annað hvort ertu með skipafélag, flugfélag eða landflutningafyrirtæki EKKI allt í sama hatti takk.

Gott mál það.

 

Eimskip hafnar aðild að broti

Skil ekki kerfið á Íslandi.

Þannig er að fyrir nokkrum mánuðum lenti sonur minn í því að velta bíl án ökuréttinda og skemmdi aðra bíla og var heppinn að ekki urðu slys á fólki.

Það sem ég er að furða mig á að lögreglan sleppti honum á staðnum vitandi að hann tók bílinn ófrjálsri hendi og ók án réttinda, og með vitni um að það var ekið á of miklum hraða.

Ég er forræðismaður þessa drengs en hann var fluttur til móður sinnar á þessum tíma. Þetta var 4. október og í dag er 17. desember. Eg veit að það var tekin af honum skýrsla hjá lögreglu( frétti það þegar ég var búinn að hringja sjálfur tvisvar.) og ekki víst að lögreglan myndi gera meira. Honum var sleppt á staðnum og kærastan látin sækja hann, en hringt í móðir hans og hennitilkynnt að hún ætti að koma á slysadeildina, því að hann hefði lent í slysi. Það hefur ekki verið haft samband við mig af hálfu lögreglu eða barnaverndaryfirvalda sem hafa líka rætt við hann. Hann býr í dag hjá kærustunni sinni og virðist ekki vera að lenda í neinum vandræðum út af þessu. Það er ekki líklegt að það verði eftir því sem að mér var sagt hjá lögreglunni. Foreldrar kærustu hans eru ekki að hafa mikið fyrir því að gera neitt í málinu, en hún átti bílinn. Það eru skrýtinn skilaboð til barnanna ef að þetta er í lagi.

Ég hefði nú haldið að einhver af opinberum aðilum ætti að hafa samband við mig og kanna hvað er að gerast, og af hverju ástandið er eins og það er. Ég segi bara það að þetta er  gert vegna þess að hann var ekki undir áhrifum áfengis eða vímuefna. Það sagði hann mér að hefði verið mælt á staðnum. Er þetta það sem við viljum kenna æskunni eða hvað ?

Ég tók þá ákvörðun að bíða og athuga hvað gert yrði í málinu, en er að velta fyrir mér hvort að ég á ekki að vera fyrri til að hafa samband við yfirvöld, eins og ég gerði gagnvart lögreglu og segja hvað er málið.

Takk.

 

Það gat nú verið að það mætti!

Einhvern veginn kemur það ekki á óvart að ríkið megi gera það og hirða fullan tekjuskatt til þess að almúginn hafi nú alveg örugglega ekki of mikið á milli handanna. Er það ekki þannig að þeir  sem eru að hagnast á fjárfestingum af ýmsu tagi borgi bara fjármagnstekjuskatt ? Ég spyr. Eða eru þeir að greiða tekjuskatt af hagnaði. Er einhver munur á því hver er að hagnast eða hvernig. Ég segi að ríkið á að láta þetta vera og segja, þið borgið bara tekjuskatt og hagnist því allir jafnt.

Takk. 

Lögmætt að innheimta tekjuskatt af lífeyri

Þetta er svo algengt, þó kannski í grófara lagi.

Já það er víst hægt að segja að þetta komi ekki á óvart. Ég skil bara ekki af hverju við heyrum ekki meira af svona málum.

Það er vegna þess að það er ekki vænlegt að tala um þetta í fjölmiðlum. Mér finnst að það eigi að nafngreina fyrirtæki sem gera svona til þess að vara við þeim. Það að gera það ekki býður upp á það að þau geti farið illa með fleiri. Það eru dæmi um að fyrirtæki losi sig við erlenda starfsmenn um leið og þeir átta sig á rétti sínum.

Það getur komið sér vel að nafnbirta fyrirtæki sem staðin eru að svikum og jafnvel að gera það líka í heimalandi þeirra sem fyrir svikunum verða ef að það eru erlendir starfsmenn. Það er nú þannig að það eru lög sem segja hvað má og hvað ekki í þessum málum, en engin viðurlög eru ef að brotið er af sér og skiptir ekki máli hvort að það sé gert einu sinni eða oftar. Kannski er rétt að segja að það sé of mikið af frumvörpum sem verða að lögum á Alþingi. Það voru til dæmis afgreidd að mig minnir 16 frumvörp sem verða að lögum á síðasta degi fyrir jólafrí á Alþingi. Er ekki rétt að vera með færri mál undir í einu og taka allann pakkann. Setja viðurlög við brotum og svo framvegis.

Bara datt þetta í hug og styð VLFA í máli þessu. 

Gert að vinna fyrir 317 kr. á tímann