Er þetta ekki komið út í rugl ???

Jú það finnst mér og tel að ASÍ sé bara að skaða ímynd sína með því að taka þátt í þessum deilum í fjölmiðlum.

Það hlýtur að vera í lagi að ÖBÍ hafi sínar skoðanir á þessu máli og er ég viss um að það séu fleiri sem hafa ýmislegt út á þetta að setja. Þar á meðal er ég og er samt ekki að segja að þetta sé alslæmt. Mér finnst það hins vegar ekki tímabært að gera þetta núna og á þessum forsendum.

Það er sjaldan eða aldrei meira um að fólk á vinnumarkaði sé að lenda í veikindum vegna álags sem hlýst að því að fyrirtæki fá ekki starfsfólk, sem að hluta eða öllu leiti er vegna launamála. Það er ekki bara á ábyrgð stéttarfélaganna að launin séu lág, fyrirtækin geta hækkað launin ef að það er málið, en kenna svo félögunum um að það sé ekki hægt vegna kjarasamninga. Þvílíkt bull.

Því held ég að það sem er að gerast í þessu máli milli ÖBÍ og ASÍ sé ekki réttur vettvangur til að ræða það og menn eigi að setjast niður og fara yfir málið saman. Það er ekki endilega þannig að allir séu sammála en ASÍ á ekki að setja út á þá sem ekki eru sammála þessari aðferð.

Ég get vel skilið það sjónarmið að þetta eigi að vera hjá ríkinu en ekki aðilum vinnumarkaðar og ennfrekar ef að það kemur niður á öðrum hópum.

Takk.

Öryrkjabandalagið lýsir furðu á yfirlýsingu ASÍ

Sameining af hinu góða ?

Já það er líklegt.

Það er miklu sterkara að vera með stórt félag sem er öflugt og getur veitt góða þjónustu við félagsmenn sína, ekki spurning.

En það verður gaman að fylgjast með hvað kemur út úr þessari kosningu og kannski spurning um tímasetningu ? Er ekki nóg að vera á þeim tímapunkti að vera að gera kjarasamninga og allt sem því fylgir. En kannski skiptir það ekki máli, ef að allt er vandlega unnið og vel skipulagt.

Segi ég því, gott framtak og gaman að sjá útkomuna.

Norðlenskt já takk.

 

Kosið um sameiningu norðlenskra verkalýðsfélaga

Kaupmáttur er málið

Hvað er að frétta af samningamálum og hvernig ganga viðræður, ef einhverjar eru.

Já það er nú þannig að nú er málið að semja um kaupmátt og það er það sem flestir vilja. Það hefur verið sýnt fram á að það skilar mestu til okkar launamanna. Ef að farið er í offorsi með háar kröfur þá er hættan sú að allt fari á annan endann og óðaverðbólga fylgi í kjölfarið, jafnframt er það besta leiðin fyrir verkalýðsforystuna að fara fram með þeim hætti.

Veit ekki alveg hvernig samningarferlið virkar í heildina en hef komið að samningum á þeim vinnustað sem ég var að vinna á og það var mjög gaman. Tel að ég hafi lært mikið á því ferli og var einnig trúnaðarmaður á þeim vinnustað, samt ekki þegar ég var þáttakandi í gerð samninga 2004.

Mitt mat er það að sú staðreynd að erfitt er fyrir verkalýðsfélögin til að fá fólk til trúnaðarstarfa sé vegna þess að fyrirtækin haldi að verkalýðsfélögin og talsmenn þeirra séu einhver grýla sem ekki á að vera til, en hins vegar er það ekki þannig. Ef að fyrirtæki vilja hafa gott samstarf við sitt starfsfólk þá er ekkert betra en að hafa góðan aðila sem starfsmenn hafa kosið og getur unnið með öllum sem til þarf til að gera vinnustaðinn sem bestann. Hins vegar er það þaning að sum fyrirtæki eru ekki tilbúin til þess og ef að einhver sem kosinn er að samstafsmönnum sínum er vel máli farinn, rökfastur og getur komið málum á framfæri með góðum hætti þá er reynt að svæla hann í burtu.

Þetta er skrifað af reynslu minni hjá því fyrirtæki sem ég vann hjá. Mér var komið í skilning um að ef að ég væri til í að endurskoða þá ákvörðun mína að vera trúnaðarmaður þá væri hægt að skoða eitthvað fyrir mig. Það var líka sagt að meðan ég væri í þessu kæmist ég ekki áfram hjá fyrirtækinu. 

Ég afþakkaði það pent og vildi starfa áfram fyrir mína félaga því að mér finnst að maður eigi að hafa skoðanir á þessum hlutum og geta staðið á sínu. Ég hætti að starfa sem trúnaðarmaður eftir nokkurra ára starf, komst samt ekki áfram í fyrirtækinu og er kominn í aðra og miklu betri vinnu sem tengist þessum málum og sé ekki eftir því.

Það gerðist eingöngu vegna þess að ég þori að segja mína skoðun og meiningu á hlutunum og þegar á minn rétt var gengið sagði ég stopp.

Það er nauðsynlegt að hafa skoðun og standa á henni. Ég gerði það og það varð til þess að ég lét ekki valta yfir mig.

Takk    

Þetta er eitthvað sem ríkið á að gera!!!!!!!!!!!!

Ég er alveg sammála því sem fram kemur hjá ÖBÍ að þetta sé ekki eitthvað sem verklýðshreyfingin og atvinnurekendur eigi að vera að versla með. Það er ábbyggilega margt gott í þessum tillögum en á launafólk að fara að greiða hluta af líeyrisgjölum sínum til að stofna áfallatryggingasjóð og borga sjálft fyrir sinn veikindarétt ? Hvað er það sem atvinnurekendur greiða og annað sem er kannski forvitnilegra, hvað eru þeir að spara sér á þessu ? Það hefur ekki komið fram. Ég er viss um að með þessu þá eru þeir að spara talsvert því að samkvæmt þessu kerfi þá borga þeir 2. mánuði á fullum launum eða staðgengilslaunum og restin er úr áfallatryggingasjóði í allt að 5 ár í heildina. Hins vegar er það í dag þannig að þeir greiða allt að 4. mánuði í veikindum og svo eru allt að 6 mánuðir sem greiðast úr sjúkrasjóði sem atvinnurekendur greiða í og rennur hluti af því lika í áfallatryggingasjóð. Það þýðir í mínum huga bara hagræðingu á kostnaði frá atvinnurekendum til okkar. Við þurfum að fórna 1 % af okkar lífeyrisréttindum og standa undir kostnaði við sjóðinn. Það er ekki mér vitanlega að neitt sem þeir greiða í þennan sjóð sem þeir eru ekki að greiða í dag. Minni veikindaréttur hjá atvinnurekanda þýðir minna fyrir hann að greiða.

Ef einhver er með meira um þetta væri gaman að heyra frá þeim.

Takk 

Áfallasjóður áfall fyrir ÖBÍ

Mikið er gott að hann fær ekki að fara, en hvað með hina mennina ???

Það vill svo til að það eru í reykjavík menn sem að GT verktakar fluttu frá Egilsstöðum með miklum hraða og lofuðu gulli og grænum skógum.

Að sjálfsögðu í takt við annað í þessu máli þá hafa þeir ekki staðið við neitt af því sem þeir lofuðu, mennirnir eru í Reykjavík, ekki með kennitölu( sem þýðir óskráðir í landinu) ekki fengið laun fyrir september að fullu og ekki með vinnu. Síðan er fyrirtækið svo ósvífið að segja þeim að ef þeir ekki greiði leigu fyrir húsnæðið verði þeim hent út ( sem er ekki hægt að gera nema með mánaðarfyrirvara ef að það er leigusamningur í gangi ) sem að öllum líkindum er ekki þae sem þeir eru ekki skráðið. Getur verið að þessir menn séu komnir á götuna og ætli yfirvöld hafi reynt að finna þessa menn ? Getur fyrirtækið komist upp með þetta án þess að þurfa að svara fyrir það. Þetta er ekki í fyrsta skiptið sem að GT vertkakar lenda í þessari stöðu og ekki það síðasta ef að ekkert er gert. Er það markmiðið að Ísland verði talið í flokki landa sem þrælahald er leyft og ekkert gert ef að upp kemst.

Tel að yfirvöld ættu að kanna hjá verkalýðsfélögunum hvernig GT verktakar eru að standa sig.

Einnig tel ég mikilvægt að fyrirtæki sem eru að svindla og brjóta af sér eigi að nafngreina eins og gert er við einstaklinga sem eru að lenda í klóm lögreglu.

Þetta eru glæpamenn sem stýra þessum fyrirtækjum og eiga að fá refsingu við hæfi.

Það var hægt að herða refsingu við innflutningi á eiturlyfjum og það á að refsa fyrir þrælahald.

Takk.

Farbann staðfest vegna Kárahnjúkamáls

Frábært framtak hjá borginni!!!

Svon á að bregðast við þegar illt er í efni.

Reykjavíkurborg er að bragðast við því með að fá fólk til að taka frekari þátt í símenntunaráætlun hennar og fá viðbótarhækkkun fyrir það.

Kannski er þetta málið en það þarf líka að skoða þetta án kvaða, það sem ég er að meina er að það þarf að hækka lágmarkslaunin og meta þau störf frekar sem fólkið er að vinna.

Það gengur ekki að þeir sem eru að stjórna borginni séu á háum launum og geri ekki neitt án þess að fá greitt fyrir það, en svo eiga allir aðrir að gera allt fyrir nánast ekki neitt. Það er misrétti og ekkert annað. Eitthvað sem nýr meirihluti segir sig ekki standa fyrir.

Takk.

Borgin hækkar launaviðmiðanir

Er það málið að komast í Borgarstjórn ??? Eða pólitík!!!

Ég væri nú alveg til í að vera í Borgarstjórn og fá rúmlega 400 þús á mánuði fyrir það + 106 þús fyrir að sitja í Borgarráði og svo eru aðrar nefndar og stjórnarsetur sem úthlutað er í líka launað.

Hins vegar er það skrýtið að þeir sem eru að taka þessi laun, geti ekki séð hvað þarf að gera til að laga stöðuna á leikskólum og grunnskólum. Þá á ég við fyrrverandi meirihluta og að ekki skyldi vera tekin ákvörðun um að greiða betri laun fyrir þau störf sem ekki var hægt að manna. Ég er alveg klár á því að ekki væri hægt að manna borgarstjórn eða þessar nefndir og ráð nema að borga vel fyrir það. Því ætti að vera annað lögmál með almenn störf hjá borginni ? Vonandi gerir nýr meirihluti eitthvað í þessum málum eins og reyndar er byrjað að gera, t.d. með því að bjóða greiðslur vegna matartíma og svo framvegis. Það er svo skrýtið að ekki hafi íhaldið séð sóma sinn í að taka á þessu og skilja svo ekki neitt í neinu með að hafa misst stjórnina í borginni. Það kom á daginn enn og aftur að mér finnst að sjálfstæðisflokkurinn er að vinna fyrir fyrirtæki og einstaklinga sem eiga peninga og hjálpa þeim að eignast meira og gera lífið auðveldara og betra fyrir þá. Hins vegar hefur sjálfstæðisflokkurinn ekki viljað taka á þeim vanda sem er að skapast í landinu og er fátækt. Það er fullt af vinnandi fólki sem vinnur mikið og líður samt skort, svo að ekki sé talað um þá sem þurfa að vera á bótum. Mín skoðun er sú að Ríkisstjórnin ætti að sjá sóma sinn í því að skapa hér líf sem er fjölskylduvænt og gefur fólki tækifæri á að vinna bara 8 tíma á dag og hafa þá tíma til að sinna börnumsínum og vera til staðar. Það er skrýtið að vera með auglýsingaherferð hjá Lýðheilsustöð um að fólk eigi að sinna börnum og gera hitt og þetta til að ekki skapist vandamál sem snerta þjóðina alla og reka á sama tíma láglaunastefnu dauðans og láta verkafólk og almenning nánast lepja dauðan úr skel á meðan þeir sem eiga eitthvað fá alla möguleika á að eignast meira og meira.

Takk

Er ekkert að frétta af vinnumarkaðinum !!

Jæja

Er ekkert að gerst markvert í samningamálum eða hvað ? Eru menn farnir að ræðast við.

Það er nú gott að einhverjir eru farnir af stað og búnir að leggja fram kröfur, og svo er spurning hverjir verða fyrstir til að klára málin.

Það er spurning hvort að verkalýðsfélögin verði búin að semja fyrir áramót eins og stefnt er að eða hvort að það sé svo mikið framundan að menn nái ekki að halda áætlun.

Svo væri gaman að vita hvað verið er að leggja fram í kröfum fyrir verkafólk. Sá að Frjálslyndi flokkurinn er með frumvarp til umræðu sem leggur til að skattleysismörkin verði 150. þúsund á mánuði og er ástæða til að fagna því en það verður að teljast ólíklegt að það verði tekið til atkvæðagreiðslu eða fái yfir höfuð undirtektir stjórnarflokkanna. Það væri nú saga til næsta bæjar.

En aldrei að segja aldrei og það myndi skila að mér skilst 22. þúsund króna tekjuaukningar á mánuði fyrir einstæða móðir með 2 börn á framfæri sem er gott. Man ekki hvaða tekjur hún þurfti að hafa.

Takk.

Þetta er málið

Já það er komin ályktun frá ASÍ um komandi kjarasamninga og það er nú margt gott í henni, en erum við ekki að fara út í baráttu við SA um það að VIÐ verðum að vera ábyrg og ekki setja þjóðfélagið á annan endann. Það er nú alltaf þanig að við verkafólkið á að bera ábyrgð á þjóðfélaginu á meðan allir aðrir, þ.e.a.s. þeir sem eiga mest þurfa að eignast meira. Mikill vill meira og getur ekki unað öðrum að fá þann lágmarksrétt að eiga í sig og á og geta sagt nei við mikilli vinnu. Það er nefnilega mín skoðun að það sé markvisst verið að halda niðri launum hjá fólki sem ekki er í stjórnendastöðum til þess að geta notað það út í það óendanlega. Vinnuveitendur vita að fólk er oft í miklum skuldum og eru að nota sér það. Það er ekki að sjá að það sé mikill vilji til að stytta vinnutíma og staðreyndin er sú að hann er að lengjast hjá okkur. Þrátt fyrir að í flestum löndum í kring um okkur sé unnið að því að breyta þessu og t.d. veit ég að það er ekki greidd yfirvinna ef unnið er meira en skylda er, heldur er það tekið út í fríi. Það er þannig á flestum norðurlöndum að ég held. Þetta er eitthvað sem skiptir miklu máli í öllu samhengi við vandamál í þjóðfélaginu. það er t.d slæmt að ekki sé fjölskylduvænni stefna hjá Íslenskum fyrirtækjum nema í minnihluta. Þetta er það sem þarf að breyta. Því segi ég launahækkun, aukinn kaupmáttur og styttri vinnutími er það sem ég tel að skili miklu til þjóðfélagsins.

Takk 

Launafólk fái stærri hlutdeild í aukningu þjóðarverðmæta

Hvað er framundan.

Jú það eru kjarasamningar, ársfundur ASÍ og margt annað. En gaman verður að sjá hvað kemur frá ASÍ mönnum í lok fundar, ályktanir eða eitthvað annað sem vert er að sjá fyrir komandi kjarasamninga.

Það væri líka gaman að vita hvað er að gerast hjá Vinnumálastofnun eftir að hún fór að sinna eftirliti með fyrirtækjum og hvað þeir ætla að gera við GT Verktaka sem í villu sinni lögðust svo lágt að mínu mati að fá starfmenn sína til að samþykkja yfirlýsingu( þá sem náðist í ) til að reyna að bjarga nafni fyrirtækisins. Það er einkennilegur andskoti að geta ekki sýnt fram á að allt sé löglegt og eðlilegt í þessu máli, heldur fara í einhvern leik sem gerir ekkert annað en að skella á þá meiri líkum á sekt. Það er allavega mín skoðun og tel ég að fyrirtæki sem er með þetta í lagi þurfi ekki að fjarlægja menn til þess að þeir standi ekki á rétti sínum. Og að halda að það sé nóg að nokkrir fari heim. Það eru fleiri búnir að koma fram sem segja farir sínar ekki sléttar. Er búið að taka þetta fyrirtæki í gegn og önnur fyrirtæki sem eru að fara illa með launamenn sem eru erlendir, og jafnvel líka eigendur þess. Það er líka eitthvað fyrirtæki sem verið er að beita dagsektum vegna þess að það hefur ekki staðið rétt að hlutum og samt eru yfirvöld með vinnumálastofnun í fararbroddi að leyna fólk hvaða fyrirtæki það er. Það er eins gáfulegt og þegar ákveðnum lögmanni var falið að verja meinta níðinga á sama tíma og hann var sjálfur í rannsókn. Þetta eru ákveðin skilaboð til atvinnurekenda. Það á ekki að brjóta lög en við gefum ykkur séns, séns og séns. Síðan sektum við ykkur og hvað svo ? Fyrirtæki sem eru að vinna svona losa sig við þá starfsmenn sem leita réttar sínsd eins og rusl og fá nýtt fólk. Fara til þeirra heimalands, bjóða gull og græna skóga og taka þá svo þurrt þið vitið. Skil ekki lög sem sett eru og engin viðurlög eru við og enginn þorir að taka á málunum. Ég skora á félagsmálaráðherra að klára málið og taka á þessum fyrirtækjum af fullum krafti. Einnig vil ég leggja það til að lög um starfsmannalegur verði aflögð og slíkt þrælahald bannað.

Takk